Skip to main content

Moyo upendao

Moyo wenye kupendao, tena haumilikiwi
Hauwi wa apendao, wala maliye hauwi
Humwendea apendwao, ukabakia kiziwi
Moyo wenye kupendao, na subira hauwi


Penzi huutiya mbio, ukawa katu hutuwi
Kajikosa mmilikio, ‘kijaribu hatuliwi
Kutuza kama atakao, hiariye haiwi
Moyo wenye kupendao, na subira hauwi

Huwashinda watu sao, una nguvuna kawi
Ukawatoka ndanio, kwendeya ajinawi
Ukawashinda nafsio, kawa haurudiwi
Moyo wenye kupendao, na subira hauwi

Ngajaribu wamilikio, kimiani hutiwi
Unawatinga uchao, kichele hawatuliwi
Penzi liupaniao, ni muzungu hujibiwi
Moyo wenye kupendao,na subira hauwi

Kama sivyo nisemao, mbona mja hambiwi,
Akaziacha na mbio, kageuka ja kiziwi
Akapuza waasao, na simile haambiwi
Moyo wenye kupendao,na subira hauwi

Comments

Post a Comment

Popular posts from this blog

Ningekwambia!

Kama ingekuwa vile, swahiba ningeshasema Ningepiga na kelele, ufahamu himahima Kwamba sikuwazi miye, sikomi laili nzima Ningejasiri n’kwambie, lau sikupendi mbuya Kama sivyo ‘ngekwambiya, wazi wazi pasi siri Lau sijasuhubiya, nahari sikufikiri Kwamba sijakuwaziya, na gonezi kuabiri Ngaungama wangu mwari, kwamba siwe nimpendaye Kama kuli mwengineye, ninaye muenendea Mtimangu anitwaliye, ni radhi kumwenendea Hadhi yangu nimpaye, na siwe wangu maridia Ngakwambia siweye, hala ningekuhubiri Kama siwe ulinitwaa, kawa wa kunipa tuo Najenenda nili fwaa, nimetekwa na pumbao Azizi u’vyonivaa, yakaniisha matao Kweli ningeshakujuza, kwamba siwe nyonda
Post a Comment
Read more

mtu hafi kupenda

Mja hafi kupenda Hapana mja duniani, apenda aondowe Si khiari asilani, rohoye aitowe Aingiye pa gizani, kusiko na mwendowe Maja hafi kupenda, n’ kudura itimiye Ni kudura ya Manani, alompa utuwe Hana na lake Fulani, sema akohowe Hanalo la lakini, zake ziandikiwe Mja hafi kupenda, n’kudura itimiye          Nyaka zikiwa shirini,ni jaala apawe Au aishi theneni, neema ajaliwe Mja hana kwa nini,ikiwa aitiwe Mja hafi kupenda,n’ kudura itimiye Lau ngapewa idhini, k’teuwa atakaye Ngebaki duniani, amwali ajiliye   Afurahi maishani, na wale wampendaye Mja hafi kupenda , n’kudura itimiye
Post a Comment
Read more

penzi

penzi la kulazimisha,lina gharama, kando na kukalifisha, linakukama, na linakufilisisha, likakukwama, hadi likakubakisha, u litima aimi nakujulisha, uwe salama usipende kujishasha, na kwa lazima penda anorejesha, nayo kheshima huba ja hili hukosha, wako mtima ... mbwene hoa walopenda, kwa kusukuma, hatimaye zao zanda, wakaziuma, kumbe hao walopenda, wamewahama amwalio zimeenda, sa' wamezama
Post a Comment
Read more