Kukrani!

Shukrani!

Shukrani zangu jazila, kwa chama cha NCOLTCL (nikotiko)

Akawajazi jaala, kwa kutupa mualiko

Tumeteremea kulla, tulosoma toka kwako

Sasa tumeshalimuka, na mbinu za kufundisha

Sikomi kuwahongera, walimu walofundisha

walivyojifunga nira, ya maarifa kutupasha

Tuzijenge mbinu bora, Kiswahili kufundisha

Sasa tumeshalimuka, na mbinu za kufundisha

Mambo hayo ni muhimu, mlotupasha uchao

Mliyeshusha magumu, ya nadharia zao

Tuboreke walimu, kwa wale tufudnishao

Sasa tumeshalimuka, na mbinu za kufundisha

Hongera mwalimu Kiarie, kwa kuonyesha mifano

Lisanza nikusifie, kwazo sifa nono nono

Alwiya zikufikie, ulivyokuwa mfano

Sasa tumeshalimuka, na mbinu za kufundisha

Sikusahau Atonia, kwa wako ukakamavu,

Jinsi ulokakania, pasi kuonya ochovu

Uneemee dunia, kwa kutupa wangavu

Sasa tumeshalimuka, na mbinu za kufundisha

Wanafunzi mlofika, shukrani nyingi sana

Kwenu kuwa washirika, na mwiya wenu kupana

Na sisi tukazoeka, na vipindi vilofana

Sasa tumeshalimuka, na mbinu za kufundisha

Hongera Kesi, Kartika, na Melisa kwayo ari

Chelisi ulisikika, kwa ari na machachari

Nelisoni naye Jaka (jack), pongezi kwa uhodari

Sasa mmelishamuka, na mbinu kujifundisha

Nafasi hiniruhusu, nikawataje kwa jina

Ingehalali kwa busu, ningewapa tangu jana

Silasi upate nusu, kisha nimpe Diana

Kwani tumeshalimuka, na mbinu kujifundisha

Kwaheri ya kuonana, kirejea viamboni

Awatunze Maulana, tutaonana usoni

Na ari tumepashana, tuzidi kuikokeni

Sasa tumeshalimuka, na mbinu za kufundisha

©Mlokole Mlumbi

Kevin Wamalwa

Chuo Kikuu cha Wisconsin-Madison